Insomnioa duten edo loarekin arazoak dituzten herritarrak aurkitu nahi ditu Limbus Filmak ekoiztetxeak. Azaldu dutenez, ez da beharrezkoa aurretiko antzezpen-esperientziarik izatea.

Donsotiako Limbus Filmak ekoiztetxea Iban del Campo zinemagilearen fikziozko lehen film luzea prestatzen ari da, eta kasurako casting deialdia jarri du martxan. Euskal Herrian girotuta, lanak “gaur egungo turismoaren eztanda eta gizartean hain hedatuta dagoen insomnioa” jorratuko ditu.

Aktore ez profesionalak interprete dituzten filmen ildoari jarraituz, euskaraz errodatuko duten lan honetarako aurpegi berriak bilatuahaleginetan ari direla azpimarratu dute Limkbus Filmak-eko kideek. Bada, azaldu dute ez dela beharrezkoa aurretiko antzezpen-espereientziarik izatea.  20 eta 80 urte bitarteko emakume eta gizonak aukitu nahi dituzte, insomnioa izan dutenak edo badutenak, edota lo egiteko zailtasunak bizi izan dituztenak. Anekdota pertsonalak izan daitezke edo asmtatutakoak.

Del Campok zuzendutako filmean parte hartu nahi dutenek gehienez 3 minutuko iraupena duen aurkezpen bideo bat bidali beharko dute castingcall.hotel@gmail.com korreo elektronikora, ondokoak kontatuz:

• Lo-arazoekin edo garbiketa lanetan duten esperientzia.
• Egunerokoan nola eragiten dien.
• Gai horrekin lotutako pasadizo edo egoeraren bat (nahi izanez gero).

Gainera, mezuan norberaren izen-abizenak, adina, harremanetarako telefono zenbakia eta bizilekua zehazteko eskatu dute.