SZ14 – Santurtziko Zine Jaialdiak SZ BBK Impulsa – Banaketa eta Sustapen Sariaren lehenengo edizioa iragarri du, ekoizpenaren fase aurreratuan dauden film laburrak amaitzen laguntzeko eta, ondoren, jaialdietan zabaltzen errazteko. Datorren irailaren 10aren 23:59ak arte aurkez daitezke proposamenak.

Etapa berri baten hasiera iragarri zuen Santurzinek, urriaren 14tik 24ra bitartean ospatuko den ekimenerako lanen izen-ematea irekitzearekin batera. Bada, ordutik tantaka ari dira hamalaugarrena izango den edizioaren ezaugarriak iragartzen.

SZ BBK Impulsa – Banaketa eta Sustapen saria da iragarri duten azkena. Programa berri honek BBKren eta Festhomeren partaidetza du, eta film laburrak egiteko prozesuaren azken urratsetan laguntzeko asmoz sortu zen, jaialdien zirkuitura jauzi egitea errazteko eta sortzen ari den zinemaren profesionalizazioan laguntzeko hain zuzen.

Hala, ondorengo faseetan aurkitzen diren proiektuak aurkez daitezke deialdira:

• Muntaketa-lanean dauden proiektuak.
• Ekoizpen osteko fasean dauden proiektuak.
• Lehen muntaketa fasean daude proiektuak
• Dagoeneko amaituta dauden film laburrak, estreinatzear edo jaialdietako ibilbidea hastear daudenak.

Helburua obra amaitzen laguntzea da, eta, batez ere, jaialdien zirkuituan zabaltzea; horretarako, 2.000€ -ko saria eta 250 €-ko diru-zorroa banatuko ditu proiektu irabazlea jaialdietan inskribatzeko. Honakoak dira deialdiaren baldintza orokorrak:

• 18 urtetik gorako pertsona fisikoek edo bizitokia edo egoitza soziala Espainian duten pertsona juridikoek har dezakete parte. Gutxienez, proiektuen % 50 euskal ekoiztetxeenak izango dira.
• Parte-hartzaile bakoitzak bi proiektu aurkeztu ahal izango ditu, gehienez.
• Deialdian parte hartzea doakoa da.
• SZ14ko antolakuntza-taldeko, hautaketa-batzordeko edo epaimahaiko kideen ardurapeko proiektuek ezin izango dute parte hartu.
• SZren hautaketa-batzordeak gehienez sei proiektu finalista hautatuko ditu.

Datorren irailaren 10aren 23:59ak arte aurkez daitezke proposamenak.

Xehetasun gehiago, HEMEN.