Datorren abenduaren 14tik 19ra ospatuko da Lanbarri Kultur Elkarteko kideek antolatutako Umorea Labur –  Arrigorriagako Umorezko Laburren Jaialdiaren aurtengo ekitaldia. Urriaren 31ra bitartean egongo da zabalik proiektuak aurkezteko deialdia.

Umoreak zeharkaturiko filmak galdegin dituzte deialdira, edozein dela ere jorratzen duten gaia edo teknika (irudi erreala, animazioa, infografia…). Lehiaketara edozein formatutan filmatutako lanak aurkeztu ahal izango dira, baldin eta gutxieneko kalitatea badute eta 2025eko urtarrilaren 1az geroztik ekoitzi badira. Lan horiek gehieneko iraupena 25ekoa izango da.

Era berean, euskara edo gaztelania ez den beste hizkuntza batean hitz egindako lanak, gaztelaniara edo euskarara azpititulatuta bidali beharko dira. Gainera, film labur guztiek fitxategi bat izan beharko dute, ingelesezko azpitituluekin. Urriaren 31ra bitartean egongo da zabalik proiektuak aurkezteko deialdia, FilmFreeWay eta Festhome plataformen bidez izen-ematea.

Aurkeztutako lanak hiru sail ofizialetan lehiatuko dira, jatorriaren arabera sailkatuta -KARKAR (Euskal Herritarrak), JAJA (Espainiar Estatukoak), HAHA (nazioartekoak)- eta ondoko sariak banatuko ditu epaimahaiak:

• Estatuko Film Labur Onena: 1000 euro + Txantxarria
• Nazioarteko Film Labur Onena: 1000 euro + Txantxarria
• Ikus-entzuleen Saria: 600 euro + Txanxarria
• Gazteriaren Saria: 600 euro + Txantxarria
• Zuzendari Onenaren Saria: 500 euro + Txantxarria
• Interpretazio Onenaren Saria: 300 euro + Txantxarria

Xehetasun gehiago, HEMEN.