14/10/2026 Actualizado a las 15:14h.

Getariako Keta Babyauto futbol taldeak 26-27 denboraldia bikain hasi du. Gorengoen Mailako bigarren multzoan kokatuta dagoen taldeak, lehen jardunaldian galdu egin zuen baina ordutik hona beste hiru partidak irabazi ditu eta sailkapenean Eibartarrak taldearekin berdinduta buruan kokatu da.

Azken norgehiagoka Iraeta futbol zelaian jokatu zuten Martin Alguacilen mutilek, Soraluze taldearekin. Gauzak alde bizkor jarri zitzaizkien getariarrei, izan ere lehenengo minutuan Oier Bordagaraiek gola egin zuen. 25. minutuan markagailua berriro aldatu zuten Ketakoek, orduan Julen Esnal izango zen golegilea.

Dena den, lehen zatia amaitu aurretik, bisitariek diferentzia laburtzea lortu zuten, 37. minutuan egindako golarekin. 2 eta 1ekoarekin atsedenaldira joan ondoren, bigarren zatian aukera ezberdinak izan arren ez zen Iraetako markagailua mugituko.

Bederatzi puntu dituzte Keta Babyautokoak eta taulako buruan berdinduta daude Eibartarrakekin. Datorren igande eguerdian, Zarautz B taldearen etxean jokatuko dute, Asti Txiki futbol zelaian, 12:45ean.