Sahatsa dantza taldeak 50 urte bete ditu, eta taldeak mende erdiko ibilbidea oparo ospatzen ari da. Horren erakusgarri dira azken hilabeteotan antolatu dituen jarduera ugariak. Oraingoan 'Ezpata dantzariak' erakusketa Azkoitiara iritsi da. Portaleburun izango da ikusgai urriaren 30era bitartean. Astegunetan 18:00etatik 20:00e tara, larunbatetan 12:00etatik 14:00etara ta 18:00tik 20:00tara eta igandetan, 12:00tik 14:00tara izango da zabalik aretoa.

Erakusketan ikusgai izango diren argazkiak Alex Berasategi eta Amets Andueza argazkilariek atera zituzten, Sahatsa taldeko dantzariek beren ezpata-dantzak Azkoitian, Azpeitian eta Urrestillan eskaini zituzten jardunaldietan. Irudiek ezpata-dantzarien figurak eta estetika islatzen dituzte, eta dorretxeetan, jauregietan, elizetan eta beste txoko berezi batzuetan hartutako irudiak erakusten dituzte.