Агробырамыысыланнай комплекс боппуруостарыгар буолбут мунньахха Амма улууһун баһылыга Степан Кузьмин улуус аграрийдара 2 109 туонна хортуоппуйу уонна 481 туонна оҕуруот аһын хомуйбуттарын Ил Дархан Айсен Николаевка иһитиннэрдэ. Былаан 100% туолбут.

«Амма улууһугар хортуоппуйу олордорго 170,5 гектар, оттон оҕуруот аһын үүнээйилэригэр — 20,2 гектар сир көрүллүбүтэ», — диэн бэлиэтээтэ Степан Кузьмин.

Санаттахха, быйыл Саха сиригэр хортуоппуй 6 тыһыынча гектар иэннээх сиртэн хомулунна — хомуллубут кээмэйэ 70,5 тыһыынча туоннаҕа тиийдэ, эбэтэр былаан 100% туолла. Оҕуруот аһа 28 тыһыынча туонна (былаан 100%) хомулунна: онтон 20 тыһыынча туонната аһаҕас буортан уонна 8 тыһыынча туонната тэпилииссэттэн ылылынна.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.

Сиһилии: https://www.sakha.gov.ru/news/67080