Rusiye Federatsiyasınıñ Orsk vilâyetinde (Qazaqstan ile sıñırda) Ukrayin uçucısız uçaqlarınıñ ücüminden soñ cermay işlep çıqarğan zavodnıñ işi bütünley toqtatıldı, dep bildirdi Armannıñ 13-nde gubernator Yevgeniy Solntsev.

"Zarar körgen elementler esas infrastrukturağa tesir etti, onı ğayrıdan tiklemege imkân yoq. Malzemeler mahsulatı, sanktsiyalarnı köz ögüne alsaq, tamir işleri altı ayğa qadar devam etecek. Zavodnıñ işi bütünley toqtatıldı. Eñ yaramay vaziyetke azırlanamız", — dedi region başı.

Armannıñ 11-nde Orsktaki cermay zavodına dronlar ücüm etti. Ukrayina nezaret kanalları "Orsknefteorgsintez" cermay zavodında ilk cermay işleme qurulışı zarar kördi, dep bildirgen edi.

Soñki bir qaç ay devamında Ukrayina Silâlı quvetleri Rusiyeniñ cermay sanayısı şirketlerine muntazam sürette ücüm ete. Bu sebepten memlekette yaqıt buhranı başlandı: benzin fiyatları arttı, qıtlıq bar, ve bütün regionlarda yaqıt stantsiyalarında çoq saatlıq nevbetler qurulmağa başladı.