– Delar av Vest-Europa får kjenne stormen Austen på kroppen. I bakkant ligg ein ny storm på lur som UK Met Office har kalla Boelo, skriv Meteorologisk institutt i ei melding på X.

Meteorologane meiner «kontrastar» er vêrstikkordet for helga.

Sør for Nordland er det meldt vindfullt frå seint laurdag kveld og regn frå natt til søndag, medan nord for Nordland er det meldt lett regn her og der, skiftande skydekke og periodar med fint vêr, spesielt langs kysten.

Meteorologane vurderer farevarsel fortløpande.

Det er sendt ut gult farevarsel om kraftige vindkast for Rogaland, Trøndelag, Hordaland, delar av Agder, delar av Sør-Noreg og delar av Austlandet.

Det er venta lokalt kraftige vindkast på 27 til 37 meter i sekundet laurdag. I Rogaland og Hordaland er det venta full storm på kysten.

For delar av Vestfold, Telemark og Buskerud er det sendt ut gult farevarsel for mykje regn og jord- og flaumskredfare. Det er også jord- og flaumskredfare i delar av Agder.

(NPK)