Plazabizi ekimenak beste hitzordu berezi bat antolatu du ostiral honetarako, urriaren 23rako: Santa Barbara Piztu Jaia. Orain arte ekimenean modu batera edo bestera parte hartu duten pertsona guztiak, Arimazubiko auzotarrak eta Arrasateko herritar guztiak daude gonbidatuta, elkarrekin arratsalde parte-hartzaile eta jai girokoa bizitzera.

Jardunaldian zehar, adin guztietarako jarduerak izango dira Santa Barbarako hainbat txokotan. Txalaparta, margo eta sendabelarren tailerrak egingo dira, baita familiei zuzendutako Altxorbarbara jolasa eta Txatxilipurdi elkartearen tailerrak ere. Horrez gain, margo talde batek Santa Barbarako hainbat txoko margotuko ditu, eta trikitilariek, pandero-joleek eta txistulariek girotuko dute arratsaldea.

17:00etatik 19:00etara, ur txorroten ondoan kokatuko den Plazabizi gunean, orain arte ekimenaren barruan egindako lanen argazki-erakusketa egongo da ikusgai. Horrela, herritarrek proiektuaren ibilbidea eta garatutako jarduerak gertutik ezagutzeko aukera izango dute.

Gune horretan bertan, zozketatuko diren sariak ikusgai egongo dira, tartean bizikleta eta patineteak.

Zozketan parte hartzeko egunean bertan Plazabizi gunera hurbildu eta izena eman beharko da. Zozketa eta sari banaketa 18:45ean egingo dira, ur txorroten ondoan.

Jaiari amaiera emateko, 19:00etan Pentsauko Jatsu taldearen kontzertua izango da.

Urriak 23, ostirala | 17:00–20:00

17:00–18:30 | Tailerrak Santa Barbarako hainbat gunetan

• Goiko lautadan: txalaparta eta Txatxilipurdi elkartearen tailerrak.

• Mahaietan: margo tailerra eta sendabelarren tailerra.

• Parkeko pergolan: Altxorbarbara, familientzako jarduera.

17:00–18:30 | Margo taldea

Santa Barbarako hainbat txoko margotzen arituko da.

17:00–19:00 | PLAZABIZI gunea — Ur txorroten ondoan

• Orain arte egindako lanen argazki-erakusketa.

• Sarien zozketarako izen-ematea.

• Sarien erakusketa: bizikleta eta patineteak.

18:45 | Sarien zozketa eta banaketa (ur txorroten ondoan)

19:00 | Pentsauko Jatsu taldearen kontzertua (ur txorroten ondoan)

Arratsalde osoan zehar: trikitilariak, pandero-joleak eta txistulariak izango dira Santa Barbarako giroa alaitzen.

Santa Barbara Piztu Jaia herritarrak elkartzeko, elkarrekin gozatzeko eta Plazabizi ekimenaren inguruan sortutako parte-hartzea ospatzeko aukera izango da.

Animatu eta etorri familiarekin edo lagunekin! Urriaren 23an, 17:00etatik 20:00etara, Santa Barbaran dugu hitzordua. Guztion artean Santa Barbara piztuko dugu!