Sputnik საქართველო

media@sputniknews.com

+74956456601

MIA „Rossiya Segodnya“

Sputnik საქართველო

media@sputniknews.com

+74956456601

MIA „Rossiya Segodnya“

Sputnik საქართველო

media@sputniknews.com

+74956456601

MIA „Rossiya Segodnya“

1920

1080

true

1920

1440

true

1920

1920

true

Sputnik საქართველო

media@sputniknews.com

+74956456601

MIA „Rossiya Segodnya“

Sputnik საქართველო

ახალი ამბები, საქართველო, პოლიტიკა საქართველოში, საქართველოს საგარეო პოლიტიკა, პოლიტიკა, ქართული ოცნება , ქართული ოპოზიცია, ეუთო/ოდირი, ეუთო, საქართველო - ეუთო

გამოწერა

თბილისი, 22 ოქტომბერი – Sputnik. საკონსტიტუციო პროცესთან დაკავშირებით კრიტიკული განცხადებები არასწორია, ხოლო სასამართლო პროცესის ღიაობა მისი მიუკერძოებლობის გარანტიაა, განაცხადა საქართველოს პარლამენტის თავმჯდომარის მოადგილემ გიორგი კახიანმა, როდესაც გამოეხმაურა ეუთო-ს საპარლამენტო ასამბლეის ვიცე-პრეზიდენტ გუდრუნ კუგლერის მოწოდებას ოპოზიციური პარტიების აკრძალვის შესახებ სარჩელის უკან გაწვევაზე.

გუდრუნ კუგლერმა საქართველოს ხელისუფლებას მოუწოდა, უკან გაიწვიოს სარჩელი ხუთი ოპოზიციური პარტიის აკრძალვის შესახებ და დემოკრატიის გზას დაუბრუნდეს. მისი თქმით, პოლიტიკური კონკურენციის საკითხები საარჩევნო ყუთთან და ღია დემოკრატიულ დებატებში უნდა გადაწყდეს, და არა სასამართლო პროცესების გზით. მან ასევე აღნიშნა, რომ პარტიების აკრძალვა გამონაკლისი ღონისძიებაა, რომელიც უმაღლეს დემოკრატიულ და სამართლებრივ სტანდარტებს უნდა აკმაყოფილებდეს.

კახიანის თქმით, ანალოგიური პრაქტიკა არსებობს ბევრ ქვეყანაში, არსებობს ადამიანის უფლებების ევროპული სასამართლოს პრაქტიკა და შესაბამისი გადაწყვეტილებები.

„ეს არის ჩვეულებრივი კონსტიტუციური პროცესი. საქართველოსთვის ასეთი განხილვა არ ყოფილა, პოლიტიკური პარტიის კონსტიტუციურობის საკითხზე როცა ვსაუბრობთ, თუმცა არაერთ ქვეყანაში არსებობს ასეთი პრაქტიკა. არსებობს სტრასბურგის სასამართლოს პრაქტიკა და შესაბამისი გადაწყვეტილებები“, – განაცხადა გიორგი კახიანმა.

მისი განცხადებით, პროცესის განხილვა საჯაროა, საზოგადოება ხედავს, როგორ მიმდინარეობს საკონსტიტუციო სასამართლოში საქმის განხილვა და ეს არის იმის გარანტია, რომ პროცესი იქნება მიუკერძოებელი.

„საზოგადოება ხედავს, როგორ მიმდინარეობს საკონსტიტუციო სასამართლოში საქმის განხილვა. შესაბამისად, საჯაროობაც არის იმის გარანტია, რომ პროცესი იქნება მიუკერძოებელი. ამიტომ, იმაზე, რასაც ითვალისწინებს კონსტიტუცია, რაც კონსტიტუციით არის დადგენილი, ბუნებრივია, ამასთან დაკავშირებით არანაირი კითხვები არ უნდა გაჩნდეს“, – განაცხადა გიორგი კახიანმა.

საკონსტიტუციო სასამართლოს პირველი სხდომა „ქართული ოცნების“ დეპუტატების სარჩელის საფუძველზე ხუთი ოპოზიციური პარტიის აკრძალვის საკითხზე 21 ოქტომბერს გაიმართა. სასამართლო განიხილავს შემდეგი პარტიების საქმიანობის კონსტიტუციასთან შესაბამისობას: „ერთიანობა – ნაციონალური მოძრაობა“, „კოალიცია ცვლილებისთვის – გვარამია, მელია, გირჩი, დროა“, „ძლიერი საქართველო – ლელო, ხალხისთვის, თავისუფლებისთვის“, „ფედერალისტური პარტია“ და „გახარია – საქართველოსთვის“.

პირველი სხდომა რვა საათს გაგრძელდა. მხარეებმა წარადგინეს შუამდგომლობები, სხდომა დასრულდა მრავალრიცხოვანი საპროცესო მიმართვების შემდეგ. პროცესის ერთ-ერთი მონაწილე, ენმ-ის წევრი ხატია დეკანოიძე დარბაზიდან გააძევეს.

სხდომას ხუთიდან მხოლოდ ოთხი პარტიის წარმომადგენლები დაესწრნენ - „ფედერალისტებმა" საქმის მოსმენაში მონაწილეობაზე უარი განაცხადეს.

სარჩელის განხილვას სამი დღე უნდა დაეთმოს. ხუთშაბათს სასამართლო გააგრძელებს შუამდგომლობების განხილვას, მათ შორის „კოალიცია ცვლილებებისთვის“, „ძლიერი საქართველო - ლელოს“ და „საქართველოსთვის“ მიმართვებს.