• ICI Breizh Izel , 
• Katell UGUEN

Milieroù a dud o deus dibunet e Penn ar Bed e-giz e lec'h all e bro C'hall, d'ar sadorn 17 a viz Here, diwar galv rochedoù melen bet ha liseidi. Meur a stourm oc'h ober anv dreist-holl deus koust ar vuhez.

E kêr ar roue Gralon eo kroget an devezh gant un aergelc'h gouel ha kengred. Sindikadoù, un nebeut rochedoù melen, met dreist-holl tud a bep oad : bugale, labourerien, tud war o leve, ha liseidi e-leizh, daoust d'ar vakañsoù skol bezañ kroget. Tro 4.000 a dud a zo bet e straedoù Kemper diouzh ar mintin.

Quentin Le Priol a gav a-bouez stourm asambles gant ar re yaouank : "Kudennoù ar gevredigezh a zo o vezañ diskouezet ganto. Tout an traoù a vez embannet ganto a vo embannet ganeomp a-benn neuze, setu hon eus da souten anezho."
Ar santimant en eus Quentin n'eo ket bet klevet al liseidi. "N'eus bet tra embannet gant ar vinistred. Kengred on ivez gant ar vugale a zo bet talet outo gant feulster."

Pe vefe liseidi o c'houlenn kondisionoù labour gwelloc'h pe tud o klemm a-enep da ruster ar gouarnamant, holl e oant akord e Kemper evit embann ne vez ket skoazellet ar re baourañ. "Gant ar raktres PLF diwar-benn an arc'hant e kav gwelloc'h ar gouarnamant lakaat ar re baourañ da baeañ pa n'eo ket an embregerezhioù bras hag a ra miliardoù a c'hounidoù" a embann Quentin Le Priol.

Ur wech graet tro kêr gant ar vanifestadeg diskleriet e Kemper d'ar sadorn 17 a viz Here, o deus klasket lod manifesterien treuziñ ar pontoù a gas da brefeti Penn ar Bed. Harzhet int bet gant ar polis hag eskemmoù tenn a zo bet. Ar boliserien o deus paket tennoù tan arvest ha respontet o deus kerkent gant tennoù LDB (banner boledoù difenn) ha greunadennoù daeraouiñ.

O chom e-maez an emgannoù eo chomet meur a gantad a dud da dalañ ouzh ar polis o tañsal hag o kanañ.

• Quimper

• ICI Breizh Izel

Adresse e-mail (obligatoire)

Exemple : nom@email.com

Manifestadegoù nevez a zo raktreset evit disadorn o tont e bro c'hall a-enep koust bras ar vuhez hag evit souten al liseidi. Marine, ur plac’h yaouank a vo er dibunadeg e Brest da benn disadorn, zoken m’he deus aon un tammig. Testeniañ a ra goude d'ar 17 e viz Here.

Il y a 6 h

E Breizh o deus plantet labourerien-douar- zo sorgo evit ar wech kentañ. Peogwir 'vez ezhomm re ar dour evit ar maïs. En Eliant e su Penn ar bed, emañ Véronique Le Floc'h o paouez echuiñ an eost ha deuet eo brav ganti.

Echu eo tout evit ar Fonderie de Bretagne e Kaodan e-kichen an Oriant. An 244 inplijed a dic'hopred. Ur gwallreuz industriel eo evit Gael Briand, kuzulier Rannvro UDB eus An Oriant.