N'eo ket bet souezhet Paul Molac, ezel ar muiañ niver e kuzul rannvro Breizh, gant disoc'hoù an diagnostik bet embannet d'ar 15 a viz Here. Met n'eo ket fall, a lar-eñ, kaout ur sell skiantel ha lec'hel war ar memestro : "Evit Brest da skouer e jedomp tro-dro tregont santimetr ouzhpenn, pe hanterkant zoken. Aze vo efedoù drastus evidomp. Er porzhioù ez eus bigi, embregerezhioù, tiez -40 000 lojamant vije tizhet- peotramant an hentoù hag an hentoù-houarn. Ret eo gwelet pep tra ha kaout respontoù a glot gant hon ezhommoù".

A drugarez d'ar diagnostik-se an hini eo vo savet ur strategiezh gant Rannvro Breizh. Hag amañ emañ an dalc'h. Ma vez an holl dakord gant an diagnostik ne vo ket aes kavout respontoù a blij d'an holl avat, eme Nil Kaouissin, dilennad an UDB er c'huzul rannvro : "Dibosupl e vo kenderc'hel gant pep tra : produiñ boued evit milionoù a dud en diavaez diouzh Breizh, degemer milionoù a douristed, hag all hag all. Difenn a reomp-ni vefe produet nebeutoc'h a gig ha nebeutoc'h a douristed er vro". Ar pal eo strategiezh skaler evit talañ ouzh efedoù cheñchamant an hin e Breizh ac'hann d'an hañv 2027.

• ICI Breizh Izel

• Brezhoneg – Langue bretonne

Adresse e-mail (obligatoire)

Exemple : nom@email.com

Manifestadegoù nevez a zo raktreset evit disadorn o tont e bro c'hall a-enep koust bras ar vuhez hag evit souten al liseidi. Marine, ur plac’h yaouank a vo er dibunadeg e Brest da benn disadorn, zoken m’he deus aon un tammig. Testeniañ a ra goude d'ar 17 e viz Here.

Il y a 6 h

Ouzhpenn 4.000 a dud o deus dibunet e straedoù Kemper d'ar sadorn 17 a viz Here, da-heul ur galv broadel a-enep da briz ar vuhez ha da ruster ar gouarnamant. Ur vanifestadeg diskleriet met tenn eo bet an aergelc'h goude, war ribl an Oded, etre lod stourmerien hag ar polis.

E Breizh o deus plantet labourerien-douar- zo sorgo evit ar wech kentañ. Peogwir 'vez ezhomm re ar dour evit ar maïs. En Eliant e su Penn ar bed, emañ Véronique Le Floc'h o paouez echuiñ an eost ha deuet eo brav ganti.

Echu eo tout evit ar Fonderie de Bretagne e Kaodan e-kichen an Oriant. An 244 inplijed a dic'hopred. Ur gwallreuz industriel eo evit Gael Briand, kuzulier Rannvro UDB eus An Oriant.