23/09/2026 a las 18:29h.

Ezkioko 'Herri festa' gogotsu antolatzen ari dira azken hilabeteetan. Urriaren 3an ospatuko da eta emozioz beteriko apustuarekin hasiko da. Eneko Zabaleta eta Unai Alberdi korrikalariak (erreleboan) Felix Etxeberria txirrindulariaren aurka lehiatuko dira Ezkioko igoeran. 2,3 kilometroetako ibilbidea lehenago betetzen duenak 500 euro irabaziko ditu.

Lehia ikusgarri honen ostean, 14.30ean, herri bazkaria ospatuko dute Euskal Parrilaren eskutik, eta 18.00etatik 22:00etara, JDJ Ostok girotuko du festa.

Ekintza guztiak Ezkioko goiko kaskoan izango dira eta ogitartekoak eskatzeko aukera egongo da Argindegi ostatuan.

Datorren asteburuari begira, bi hitzordu berezi izango dira Ezkion. Ostiralean, 'Eskailerapekoa' bakarrizketa saioaz goza-tzeko aukera izango da, 19:00etan, Udaletxeko ganbaran, Idoia Torregarai eta Mirari Martiarenarekin. Larunbatean Igartubeiti baserriak bere 25. urteurrenaren festa ospatuko du, 16:30ean (informazioa eta izen-emateak 943 72 29 78 telefonoan edo igartubeiti@gipuzkoa.eus helbidean).