28/08/2026 a las 17:39h.

Jone Arriaran eta German Aranburu dantzari azpeitiarrek irabazi dute Elgoibarko 88. Dantza Solte Txapelketa. Ostegunean, abuztuaren 27an, jokatu zen lehia Elgoibarko Kalegoen plazan, San Bartolome jaien egitarauaren barruan. bikotea txapeldunorde geratu zen aurreko edizioan, eta aurten txapela janztea lortu dute.

Guztira, zazpi bikotek parte hartu zuten helduen dantza solte txapelketan, eta Nora Aizpuruk eta Iker Zabalak osatutako bikote azpeitiarrak hirugarren postua eskuratu zuten.

Txapelketa 18:00etan hasi zen, eta bikoteek Fandangoa dantzatu zuten udal txistulari bandaren laguntzaz; ondoren, Arin-Arina trikitilarien doinuekin eskaini zuten. Elgoibarko Udalak eta Haritz Euskal Dantzari Taldeak antolatu dute aurtengo txapelketa, bertako udal txistulari bandaren, trikitilarien eta Gipuzkoako Euskal Dantzarien Biltzarraren laguntzarekin.