Regala esta noticia

'Naparra, kasu irekia' saiakeraren ondoren, Jon Alonsok 'Naparra'-ren desagerketaren kontakizuna komikian plazaratu du 'Itsasoaren ahutzak' (Elkar) izenburupean. Adur Larreak egin ditu marrazkiak. Alonsok argitu zuen aurreko liburua «periodistikoa» bazen –«errealista zen-tzu zorrotzean–, hau «fikzioa» dela. Genero baten eta bestearen arteko desberdintasunak handiak izanagatik, azkenean emaitza nahiko antzekoa da: «Norberak bere iritzia ateratzea», esan zuen idazleak. Bere ustez, «gorpurik aurkitu ez denez ez dakigu zehatz mehatz zer gertatu zen, badago hipotesi bat baino gehiago egitea. Fikzioa irakurtzen dugun bezala irakurri behar da komikia. Bakoitzak ikusiko du noraino den sinesgarria». Alonso eroso sentitu da «kontakizun beltz klasikoaren antza» hartu duen liburuan.

Adur Larreak aipatu zuen «fikzioa da, baina 'Naparra'-ren desagerpena historia da. Fikzioari trataera zinematografikoa eman nahi izan diogu. Ez dago izenik. Tokiak ere asmatuak dira (edo ez). Zinean trukoak erabiltzen dira. Hau ere horrela pentsatua dago». Alonsok aipatu zuen filma edo telebista seriea egitea pentsatu zuela gidoia idazten ari zenean, baina garestiegia zela eta komikia bihurtu zuela.