Herrik zaindariaren egunean, atzo, jokatu zen sanmigeletako plater tiraketako txapelketa. Paso Uso elkarteak antolatuta, herri mailako txapelketa izan da aurtengoa ere; 22 lagunek hartu dute parte, denak oñatiarrak.

Txopekuako tiro zelaian egin dute txapelketa. 25 plater apurtu behar izan ditu parte-hartzaile bakoitzak nork bere eskopetarekin. Jesus Inzak 24 jo ditu, Jabier Verak 22 eta Aitor Arabaolazak, 21. Hiru horiek osatu dute podiuma.

Aurtengo txapelketa ere solidarioa izan da. Izen-emateekin lortu duten dirua Aspanogi elkartera bideratu du Pago Uso elkarteak, minbizia duten umeei laguntzeko; 600 bat euro guztira.

Txapelketa honen ostean atsedena hartuko dute tiratzaileek. Gabonen bueltan izango dute herriko hurrengo tiraketa.