Europako Taldekako Txapelketa jokatuko da igande honetan Austriako Moosdorf herrian eta Almitza Sega Elkarteko kideak bertan izango dira Euskal Herria ordezkatuz. Aurten Austria, Bavaria, Suitza eta Hego Tirol izango dituzte aurkari.

Urte bikoitietan egiten da Europako Taldekako Txapelketa, bakoitietan banakakoa izaten baitan. Talde bakoitza lau segalarik osatzen duteta lau kategoriatan parte hartzeko aukera dago: sega txiki kategorian eta sega handi kategorietan, bai gizonezkoetan bai emakumezkoetan.

Herrialde bakoitzak nahi adina talde aurkeztu ditzake. Almitza Sega Elkartetik hiru talde osatu dituzte. Gizonezkoetan sega handian zein txikian arituko dira Altzo Jauregi (Zaldibia), Bixente Mitxelena (Oiartzun), Oier Urkola (Anoeta) eta Manez Olaiz (Oiartzun). Era berean, Alaitz Imaz (Hernialde), Inge Goikoetxea (Gaztelu), Harri Mitxelena (Altsasu) eta Jose Luis Olaizek (Oiartzun) talde mistoa osatuko dute. Kasu honetan, gizonak daudenez taldean, gizonezkoen sega txikiko kategoriaren barruan arituko dira.

Europako Txapelketatan esperientzia duen segalariek osatutako taldea izango da eta emaitzak lortzea eskuragarri duena. Izan ere, 2022an Bavariako Thundorf herrian jokatu zen txapelketan, emakumezkoen mailan bigarren postua lortu zuen Almitzako taldeak, Austriarren atzetik eta Suitzarren aurretik. Gizonezkoak, berriz, seigarren sailatu ziren eta gazteen mailan, berriz, bigarren postua eskuratu zuten.

Gainera, lehengo urtean jokatu zen bakarkako Europako Txapelketan, berriz, Alaitz Imaz bigarren izan zen emakumezko nagusien mailan eta gizonezkoetan Manex Olaizek hirugarren postua eskuratu zuen. Gazten mailan Inge Goikoetxea hirugarren izan ziren. Maila honetan, Izadi Arrospidek irabazi zuen.