Festek ez dute etenik izaten, eta oraingo honetan ere Karrika auzoan izango dute jarraipena. Xanistebanak eta gero, Oiartzungo auzoak jaiei ekingo dio. Abuztuaren 14tik 16ra, ... ostiraletik igandera, askotariko ekitaldiz beteko dira auzoko jaiak. Ostiralean, 19.00etan, txupinazuak emango die hasiera jaiei. Ordubete geroago, 20.00etan, elkarretaratzea egingo dute, dultzaina taldeak alaituta eta erraldoi txikien konpartsarekin kalejira eginez. Eguneko azken hitzordua 22.00etan izango da, XXXVII. Truk Txapelketarekin.