Zarauzko malekoia jendez lepo zegoelarik, Olaia Inziarte abeslari oronoztarrak kontzertua eskaini zuen aste honetan. Bertan, Aste Nagusiko kontzertuen baitan, Gaztea Gauan, Zeatikez taldea eta Ramona's First Evil Boyfriend aritu ziren. Azken hauek Euskadi Gazteak antolatutako deialdiko irabazleak dira.

Giro aparta egon zen bertan eta Inziarte eta bere taldeko kideen saioa arrakastatsua suertatu zen.

Gogoratu behar da Olaia Inziarte Oronotzen jaiotako abeslari eta kantugile, bakarkako ibilbideari hasiera eman zion 'Lehengo Lepotikan Burua' (2022) diskoarekin, non folk ukituak eta elektronika nahastu zituen, giro intimo eta gertukoa eraikiz. Disko honekin MIN sarietan Euskaraz egindako disko onenaren izendapena jaso zuen. 2025ean, 'Zerrautsa' eta 'Zura' kaleratu zituen. Bi lan hauetan «natura eta barne-mugimendua ardatz dituen lana, 'zura¡ sendotasunaren ikur eta 'zerrautsa' hauskortasunaren arrasto gisa ulertuta. Ahots gozo bezain indartsuarekin, melodia garbiak eta erritmo minimalistak ehuntzen ditu, testu zainduen eta emozio zuzenen eskuetara».

2023an Artistas en Ruta programarako hautatua izan zen, eta ordutik, euskarazko kantagintzaren berrikuntza eta sentsibilitatea uztar-tzen dituen proposamen propioa finkatzen ari da. Euskarazko eszenako ahots bereizgarrienetako bat du Inziartek. Zuzenean, formatu zaindu eta hurbila eskaintzen du, aretoetatik jaialdietara zabalduta. Olaia Inziarteren musikan, euskara eta egunerokoaren hitzak dira erdigunea, zaurgarritasunaren indarra eta egiaren bilaketa etengabean aritzen.