Sputnik Аҧсны

media@sputniknews.com

+74956456601

MIA „Rossiya Segodnya“

Sputnik Аҧсны

media@sputniknews.com

+74956456601

MIA „Rossiya Segodnya“

Sputnik Аҧсны

media@sputniknews.com

+74956456601

MIA „Rossiya Segodnya“

1920

1080

true

1920

1440

true

1920

1920

true

Sputnik Аҧсны

media@sputniknews.com

+74956456601

MIA „Rossiya Segodnya“

Sputnik Аҧсны

ажәабжьқәа, аԥсны, бадра гәынба

Анапаҵаҩра

АҞӘА, цәыббра 2 — Sputnik. Бадра Гәынба инапхгарала аҳәынҭқарра ахада Иусбарҭаҿы ақыҭанхамҩаарыхыҩцәеи анаплак маҷи абжьаратә наплаки рыдгыларазы апрограммақәа рынагӡара азҵаарақәа ирызкыз аилацәажәара мҩаԥысит.

Аиԥылараҿ аҳәынҭпрограммақәа рынагӡаразы абжьаратә еихшьаалақәа ҟаҵан, иалкаан иҟоу ауадаҩрақәа, ирылацәажәан аҳәынҭдгылара амеханизмқәа реиӷьтәразы ԥхьаҟатәи амҩақәа.

Аиԥылара иалахәуп аԥыза-министр Владимир Делба, аекономика аминистр Ҭеимураз Амқәаб, ақыҭанхамҩа аминистрра ахаҭарнакцәа, Аҩнуҵҟатәи аусқәа рминистрреи Аҳәынҭқарратә шәарҭадаратә маҵзуреи рнапхгаҩцәа Роберт Кьиути Дмитри Дбари, апрокурор хада Адгәыр Агрба.

Аилатәара аартуа Бадра Гәынба аекономикатә ҭышәынтәалара аныҟам аамҭазы, атәыла анапхгара зеиԥш ҟамлац аҳәынҭцхырааратә ауснагӡатәқәа шаднакылаз, арҭ ахырхарҭақәа аԥыжәара рыҭаны ишыҟалаз азгәеиҭеит.

Аилацәажәараҿы баша азеиԥш еихшьаалақәа рыҟаҵара адагьы, анаҩстәи апрограммақәа апринцип ҿыцқәа рыла рынагӡаразы аус рыдулара зылшо алкаақәа рыҟаҵара аҭахуп иҳәеит атәыла ахада.

2025 шықәсазы Аԥсны анаплак маҷи абжьаратә наплаки рыдгыларазы апрограмма анагӡашьа арбагақәа ртәы иҳәеит Аԥсны аекономика аминистр Ҭеимура Амқәаб. Иара зынӡа иааидкыланы 709 млн мааҭ рыхә инаӡо 485 зыҳәа шрыдыркылаз азгәеиҭеит.

Апрограмма иазгәанаҭон аԥаразоужьратә механизмқәа ҩба.

"Аԥсны Аҳәынҭқарра ахатәы хыҵхырҭақәа рҟынтәи мацара аԥаразоужьра зызуз актәи амеханизм, ари иаархәо амаругақәа рыхәԥса аҟынтәи 90% асубсидиақәа зныктәи ашәарала рыҭароуп. Аҩбатәи амеханизм — иаҵанакуан урыстәылатәи афинанстә цхыраара ахарџь ала аиԥаразоужьра, уи иазԥхьагәанаҭон хәҭа-хәҭала амҩаԥгара", — ҳәа азгәеиҭеит Амқәаб.

Убри аан, имаҷуи ибжьаратәуи анаплакы адгылара апрограммала 265 проект рҟынтәи 34 макьана инагӡам ҳәа адырра ҟаиҵеит аекономика аминистр Ҭеимураз Амқәаб.

"Цәыббрамза нҵәаанӡа амаругақәа рыҟазаара алыршамхар, ираҳҭаз асубсидиа архынҳәразы ауснагӡатәқәа рымҩаԥгара ҳгәы иҭоуп", — ҳәа азгәеиҭеит аминистр.

Анаплак маҷи абжьаратә наплаки рыдгылареи ақыҭанхамҩа аҿиареи рзы апрограммақәа рлахәылацәа аԥара рнапаҿы ирыҭахаӡом ҳәа азгәеиҭеит аԥыза-министр Владимир Делба.

"Арҭ аекономикатә ҿиара аҩаӡара ахьыҳаракым раионқәоуп. 265 проект рҟынтәи 72 Очамчыра араион ахь инашьҭуп, Тҟәарчал араион ахь — 41, Гал араион ахь — 5", — ҳәа иҳәеит Делба.

Бадра Гәынба иазгәеиҭеит Тҟәарчал араион анаплак маҷи абжьаратә наплакреи рыҿиараҿы имаҷны ахшыҩзышьҭра шарҭо азы агәаанагарақәа шиашам. Аҳәынҭқарра ахада иажәақәа рыла, аԥыза-министр иааигаз ахыԥхьаӡара уи ус шакәым арҵабыргуеит.

Аилацәажәараҿ азҿлымҳара ҷыда арҭеит ақыҭанхамҩа аҿиара ахырхарҭа. Аԥхасҭа зырҿио ахәаҷа-маҷақәа рҟынтәи ахәшәқәа раахәаразы 2025 шықәсазы жәамиллион мааҭк аԥара азоужьын иҳәеит Ақыҭанхамҩа аминистр ихаҭыԥуаҩ Дмитри Ҳагәышь.

"9,7 млн мааҭ рыхә 4,8 нызқь литра ахәшәқәа аахәан. Уи иалнаршеит еиуеиԥшым ақыҭанхамҩатә культурақәа иларҵаз 7 нызқь гектар аҵакыра аус адулара", — ҳәа азгәеиҭеит иара Аԥсны ахада Иусбарҭаҿы имҩаԥысыз аилацәажәараҿы.

2025 шықәсазы ақыҭанхамҩа аҿиара апрограмма иалалеит 653 проект, иааидкыланы 876,8 млн мааҭ рыхә. Аицлабратә комиссиа 142 млн мааҭ рыхә 342 проект иақәшаҳаҭхеит, 36,8 млн рыхә 51 проект мап рцәнакит. 260 проект ирыхәаԥшымызт аԥарақәа разымхара иахҟьаны, урҭ реиҳарак 2026 шықәсазы ирыхәаԥшуеит.

Ақыҭанхамҩа аҿиареи анаплак маҷи абжьаратә наплаки адгылара аҭареи рзы аҳәынҭқарратә программақәа рыла хықәкыда аԥарақәа рныхра алмыршаразы ауснагӡатәқәа мҩаԥысуеит ҳәа иҳәеит аԥыза-министр ихаҭыԥуаҩ Џьансыхә Нанба.

"Уажәтәи апрограмма аусура аҳәаақәа ирҭагӡаны, ҳара 2027 шықәсазтәи апрограмма абжьгарақәа рыла иалкаау згәаҭақәак ҟаҳҵеит. Ҳара ҳгәы излаанаго ала, амалахазгьы акыр идуу абиуџьеттә ԥарақәа рыла еиқәыршәоу аҳәынҭқарратә программа, материалтә цхыраарак аҳасаб ала мацара ахәаԥшра иашам ҳәа", — иҳәеит иара.

Нанба иазгәеиҭеит аҳәынҭқарратә программақәа, ақыҭақәа назлоу аекономика асубиектқәа рыҿиара иазынархазароуп ҳәа.