Departementet viser til dei mange forseinkingane den siste veka, og innkallar til hastemøte med samferdselsminister, Jon-Ivar Nygård, onsdag formiddag.

– Det er nok ikkje uvanleg at man får nokre oppstartsproblem etter vedlikehaldsarbeid. Men her ser vi at dette har vore vedvarande og at det har gått utover de reisande, særleg i Oslo -området, seier Nygård til NRK.

– Det meiner vi er uakseptabelt. Difor må vi komme til botns i kvifor det skjer.

Han forklarar at det viktigaste for møtet er at Bane Nor redegjer for hendingane.

– Og at dei går gjennom kva de har tenkt å gjere for å sørge for at vi får forbetring og færre av denne type hendingar i framtida, forklarar ministeren.

Nygård seier at han forstår frustrasjonen til passasjerane.

– Eg lir med dei. Sommarstenging er ei ulempe, og betyr mykje buss for tog. Vi brukar betydeleg med pengar for å få jernbanen til å fungere betre. Likevel er nokre av dei fyrste opplevingane passasjerane får, at det ikkje har blitt gode resultat, seier han.

– Det er ikkje godt nok. Sånn kan vi ikkje ha det.

Kommunikasjonsdirektør i Bane Nor, Atle Lessum, skriv i ein e-post til NRK at dei forstår at ministeren ønskjer ein utgreiing av situasjonen førre veke og at dei ser fram til å orientere om det.

– Sommararbeidet i Romeriksporten var godt planlagd, og situasjonen vi opplevde utover veka var i liten grad skulda arbeidet som vart gjort der. Dette skal vi gjere rede for i møtet.

Seinast i går var det store problem i togtrafikken i Oslo med full stans mellom Lysaker og Skøyen.

Etter trøbbel med ei køyreleidning ved Skøyen måndag morgon, vart to tog ståande mellom stasjonar i timevis, før dei måtte bli dratt til stasjonen av eit anna lokomotiv.

Førre veke var det signalfeil i Romeriksporten, som nettopp hadde opna etter å ha vore stengd for vedlikehald sidan 27. juni.