Armannıñ 13-ne keçer gecesi Rusiye arbiyleri Ukrayina toprağına Rusiyeniñ 5 yönelişinden, RF tarafından ilhaq etilgen Donetsk ve Qırımdaki Sarabuz qasabasından 133 Shahed (şu cümleden reaktiv), Gerbera ve Parodiya tipinde pilotsız uçaqlarnen ücüm etti, dep bildire Ukrayina Silâlı Quvetleriniñ Ava quvetleri.

"İlk malümatqa köre, saat 08:00-ge qadar ava mudafaası tarafından memleketniñ şimalinde, cenübinde ve şarqında 111 duşmannıñ Shahed, Gerbera ve diger tiplerdeki dronları urulğan ya da yoq etilgen. 15 yerde duşmannıñ ava ücüm vastalarınıñ urulması qayd etildi ve 16 yerde urulğanlarnıñ (yıqılğan parçalarnıñ) tüşmesi qayd etildi", — dep bildire Ukrayin arbiyleri.

Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.

Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.

İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.

Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.